آآآه

--------------------------------------------------------------------------------


آآآه ما كنك البارح من سنين غايب
دون لأشعر تماديت بغلاي وذكرتك
كنت أجمع سواليفك بحضن السحايب
لين ما هزني نود الهيام ونثرتك
ليت ما دوني ودونك وعود وطلايب
كان لا مرني طاري حبايب شهرتك
قلتلك عمر جرح الحب ماكان طايب
يمكن اموت وانا من الغلا ما نكرتك
كل ما بعثر سكوتي ضجيج الهبايب
قمت البس غيابك عذر لو ما عذرتك
من يقول الزمن ما يوم فرق حبايب
هذا انا اقولها بوجه الليالي خسرتك
ما خبرت الهوى ساس البلا والمصايب
لين ما الله كتبلي فيك عمر وخبرتك
ادري الشوق لو بلل عذوق الهدايب
ما تفيد الدموع اليانعة لو جهرتك
ميسم البعد ما يبري الجروح العطايب
لو تبسمت في وجه الظروف وهجرتك
ما نسيتك وانا صبري من سنين شايب
بس عشمت بك ظلم الزمان وذخرتك
مثل ما تستر ضلوعي جروح القرايب
شوفني عن عيون أهل الملامة سترتك
كنت اداري بياضك عن سواد النوايب
كثر ماقبل علي ليل الفراق وسهرتك
كن صدري ضريحك والمحاني قصايد
وكني بوسط قلبي يا حبيبي قبرتك
ماهقيت إن للذكرى رسوم وضرايب
لين ما هزني نود الهيام ومطرتك

ياهلا فيك نورت المنتدي
انشاء الله تفيد وتسيفد
في انتظار ابداع قلمك
تحياتي

يسلمووووا
اسير المحبه
كلك ذوق
يعطيك الف عافيه...

يلا فيك
منور المنتدي انشاء الله تفيد وتسيفاد
تحياتي لك

الله يعااافيكم ما قصرتم