جت بعد غيبه تقول رديت

جتني رساله غاليه من شخص غالي وعقب ما قريت الرساله حبيت ارد عليها
فكان مضمون الرساله

هذا أنا.. يابهجة القلب
رديت"
من عقب غيبه جيت كلي
حنيني"
ورسالتي أرسلتها عقب
ماأبطيت"
تذكرت أحلام كانت بينك
وبيني"
هذا أنا.. من دون وشلون
أوليت"
كلي وفا في داخلي
يحتويني"
من قلبي جيتك بشعري
ولبيت"
من عقب غيبه واطلبك
تعذريني"
<يمكن> تضنيني بهجري
تماديت"
ويمكن تقولي الشوق قد مات
فيني"
ويمكن تقولي اني مع البعد
جافيت"
والبعد نساني رجاوي
سنيني"
شوفي تراني عنك ماقد
تخليت"
لوشفتي دمعي حاير وسط
عيني"
أبشرك اعطيتك الحق
واوفيت"
لا مانسيتك لحظة
ياحنيني"
لكن ظروف الوقت خلتني
أبطيت"
والا غلاك ثابتن كل
حيني"
كتبت لك من الشوق بيت ورى بيت"
وأحييت لك آهات جرح
دفيني"
اسقيت نفسي حسرة البعد وأرويت"
وانتي علامك خابرك
تفهميني"
أوسع الخاطر بقولة
تناسيت"
وأشوف طيفك كل لحظه يجيني"
[أشتقت للجلسه معك حيييل حنيت]
وإن كان في قلبك عتب
عاتبيني"
هذا أنا.. جيتك برساله
وطليت"
جيتك وأنا أدري بك لهفه
تبيني"
من غربتي مليت مليت
مليت"
أدخل على الله من الخطا سامحيني"
إن كااااني أنا بحقك
أخطيت؟"
انا طالبك يالغلااااا
" سامحني

فرديت عليها بنثر حروفي بقولي

جت بعد غيبه تقول رديت
عذرها حبيبي أسف عنك تباطيت
سلاحها حنين وشوق وكلمة وفيت
جاسوسها قلب في وسط الضلوع قد أربيت
جت وتحسب إني للعشره قد تناسيت
ما تدري إني عن الصبر ما قويت
لها بخافقي من الشوق الف بيت
جت تجر خطواتها وتقول حنيت
علامها يابشر ماتدري عن القلب وما قد أخفيت
من هموم الزمن ياناس مليت
حبيبي تعال طفي بصدري لوعة مشاعر لك خبيت
تعال ولا تنوي هجر عقب ما الفيت
وخلي عني وعنك كلمة عتب وقولة يا ليت
عقب ما رديت لروحي كل نسمه بطلتك وهليت
جعلني فدوة عيونك بعد قولك حيييل حنيت
أقرب بخطواتك وأنا بخطواتي اسابق الريح واجيك
أجيك وليه ابطي وأنا الشوق بداخلي قد أخفيت
ودي أروي بداخلي كل ما أشتقت لك أو حنيت
إن كنت كتبت الشوق بيت ورى بيت
ترى شوقي قصايد بوسط القلب خطيت
حبرها دم بعد ما إنت للحب اسقيت
أفظحتني عيوني بعد مالسطورك قريت
هذي حروفي بعثرتها لك في كل صفحه وفي كل بيت
ابيها تسكن بقلبك وبوسط ضلوعك لها بيت
حبيبي اااسف إذا بشوقي قصرت أو ابطيت
إنت عارف إنك على البال وعنك ما سهيت